ලොව ඇති ඕනෑම විෂක් කුඩා මාත්‍රයෙන් ගත් කළ ඔසුවකි. එමෙන්ම ඕනෑම දිව ඔසුවක් විශාල මාත්‍රාවක දී මාරාන්තික විෂකි.
Poisons in small doses are the best medicines. But useful medicines in too large doses are poisons.
මේ අදහස ලොවට කියූවේ 17 වැනි සියවසේ බ්‍රිතාන්‍ය ජාතික විලියම් විටර්ලින් [William Withering] නම් වූ ඔසු පිළිබඳ විද්‍යාඥයෙකි.
මෙහි ව්‍යංගාර්ථය නම් ලොව ඇති ඕනෑම දෙයක ඖෂධීය ගතිගුණ තීරණය වන්නේ එම අදාල රසායනිකය ශරීරගත කරන්නට යොදා ගන්නා ප්‍රමාණය මත බවය.
අනිත් අතට ලොව ආරක්ෂාකාරී ඔසුවක් යැයි දෙයක් නොමැත. නමුත් ශරීරයේ හටගන්නා විවිධ රෝග ආබාධ උදෙසා එබඳු රසායනික ද්‍රව්‍ය ආරක්ෂා සහිත මාත්‍රා ප්‍රමාණවලින් ශරීරගත කිරීම අධීක්ෂණයට සහ නිර්දේශය පිණිස ඒ රසායනික ජීව ක්‍රියාවලි අත්‍යන්තයෙන් හදාරා, පිළිගත් සම්මුති තුළ ඖෂධ පරිහරණය උදෙසා එක් අතකින් වෛද්‍යවරු ද අනෙක් අතට ඖෂධවේදීන් ද අහිංසක රෝගීන්ගේ දිවි රැක ගනු වස් ඉදිරිපත් ව සිටී.
